So brapa kali ada warga yang meninggal Om
Pala (kapala lingkungan) tetap nda mau mo kase kata2 pelepasan dikubur karna
dia nda tau kata2 mo cumu apa. Pas satu waktu, kena sodara (kamanakan)yang
meninggal. Mau nda mau om Pala musti basuara. Pas so dikubur, pendeta bilang;
ya skrang kata2 pelepasan dari om pala skaligus paman dari almarhum...! Odoohh,
Pala so gugup kong so pica suar.... kage dapa dengar Pala pe suara:
SAUDARAKU... TUHAN YANG MEMBERI, TUHAN PULA YANG MENGAMBIL....(orang2 langsung baku bise; eh bole jo
kote pala kang? singkat mar jelas.. diam2 kote pala jago berkata-kata) kage
dapa dengar ulang pala pe suara: DARI RUKUN TOTEMBOAN... (hahahaha pala kote
cuma da baca di krans tu kata2 mar dia baca samua)
Tidak ada komentar:
Posting Komentar